Kryetari i Rahovecit, Smajl Latifi, ka dalë në terren pranë Parkut Industrial mbi fshatin Opterushë dhe ka bërë një kërkesë urgjente për qeverinë lidhur me Zonën Ekonomike. Ai kërkon rifillimin e punimeve në 34.89 hektarët e këtij parku ose kalimin e kompetencave për realizimin e projektit te Komuna e Rahovecit. Latifi thekson rëndësinë jetike të këtij parku për zhvillimin ekonomik të komunës dhe nevojën e bizneseve lokale për hapësira dhe mbështetje për zgjerim, investime dhe krijim të vendeve të reja të punës. Ai kërkon veprime konkrete dhe shpreh shqetësimin për vonesat që po pengojnë zhvillimin ekonomik në këtë zonë.