Analisti dhe politologu Melazim Koci ka kërkuar shkarkimin e presidentes Vjosa Osmani për vendimin e saj për shpërndarjen e Parlamentit të Kosovës, duke e cilësuar këtë veprim si një shkelje të rëndë kushtetuese. Ai ka theksuar se në shumë shtete me demokraci parlamentare, për shkelje të tilla nis procedura e shkarkimit (impeachment). Vendimi i presidentes ka shkaktuar debate të ashpra politike dhe juridike, me disa ekspertë që argumentojnë se Kuvendi ende kishte kohë për të zgjedhur presidentin para shpërndarjes. Seanca e fundit për zgjedhjen e presidentit u ndërpre për shkak të mungesës së kuorumit, ndërsa presidentja shpërndau Kuvendin pas moszgjedhjes së kreut të shtetit dhe ka nisur konsultimet për datën e zgjedhjeve të parakohshme, një vendim që kryeministri Albin Kurti e ka cilësuar antikushtetues.