Sot mbahet mbledhja e 371-të e Këshillit Gjyqësor të Kosovës (KGJK), ku një nga pikat kryesore është shqyrtimi i kërkesës së ushtrueses së detyrës së presidentes, Albulena Haxhiu, për të trajtuar tërheqjen e dorëheqjeve të gjyqtarëve dhe stafit mbështetës nga komuniteti serb. Këta gjyqtarë dhe personeli administrativ kishin braktisur institucionet e drejtësisë në veri të Kosovës që në nëntor të vitit 2022, por tani disa prej tyre kanë shprehur gatishmërinë për t’u rikthyer dhe kanë dorëzuar njoftime për tërheqjen e dorëheqjeve. Vendimi i KGJK-së pritet të ndikojë në funksionalizimin e plotë të sistemit gjyqësor, veçanërisht në komunat me shumicë serbe. Përveç kësaj çështjeje, në mbledhje do të diskutohet edhe zgjedhja e zëvendëskryesuesit të Këshillit dhe pika të tjera të rendit të ditës.