Këshilli për Mbrojtjen e të Drejtave dhe Lirive të Njeriut (KMDLNJ) ka reaguar me kritika të forta ndaj Dhomave të Specializuara në Hagë, duke i cilësuar si një “gjykatë speciale raciste” që vepron mbi baza etnike dhe ndjek penalisht vetëm shqiptarët. Organizata akuzon gjykatën për shkelje të parimeve të transparencës, prezumimit të pafajësisë dhe të drejtës për një gjykim brenda një afati të arsyeshëm, si dhe për refuzimin e masave më të lehta ndaj të paraburgosurve pas përfundimit të procesit. KMDLNJ kritikon gjithashtu mungesën e reagimit nga institucionet dhe aktorët politikë të Kosovës, duke theksuar se ka mbetur e vetmuar në kundërshtimin e asaj që e quan arbitraritet politik dhe etnik. Sipas KMDLNJ-së, vendimi për ish-krerët e UÇK-së pritet të shpallet mes shtatorit dhe nëntorit të vitit 2026.