Avokati Arianit Koci ka reaguar me tone të ashpra ndaj kryeministrit të Kosovës, Albin Kurti, pas zhvillimeve të fundit politike dhe seancave në Kuvend. Ai e akuzoi Kurtin për degradim institucional dhe për përdhosjen e Republikës, duke theksuar se pushtetin e mori me premtimin për dinjitet institucional, por po e përmbyll me lojëra të vogla dhe bllokada që dëmtojnë shtetin. Koci e cilësoi situatën aktuale në skenën politike si të paprecedentë në 26 vitet e pasluftës, duke përmendur gabime, pazare, mashtrime dhe tradhti që po shfaqen në mënyrë të theksuar. Në përfundim, ai shprehu indinjatën e tij duke thënë se shteti është përdhosur dhe se qytetarët janë lodhur nga kjo situatë.