Ish-kryetarja e Komisionit Qendror të Zgjedhjeve, Valdete Daka, ka kritikuar ashpër vonesën në krijimin e institucioneve të reja në Kosovë, duke theksuar se vendi ka humbur gati dy vite për shkak të përsëritjes së zgjedhjeve dhe zvarritjes së marrëveshjeve politike. Ajo ka vlerësuar se Lëvizja Vetëvendosje po "blen kohë" duke mos lejuar dialogun mes partive, ndërsa nuk ka parë përparim në dialogun e iniciuar nga U.D Albulena Haxhiu. Daka ka përmendur sfidat brenda LDK-së, ku disa deputetë nuk mbështesin një koalicion me VV-në, dhe ka theksuar se Kuvendi i jashtëzakonshëm i LDK-së mund të ndikojë në zhvillimet e ardhshme politike. Sipas saj, zvarritja politike po dëmton funksionimin institucional dhe rrit rrezikun e zgjedhjeve të reja.