Kryenegociatori i Kosovës për Bashkimin Evropian, Jeton Zulfaj, ka theksuar se Kosova meriton të marrë statusin e vendit kandidat dhe të nisë negociatat për anëtarësim në BE. Ai ka vënë në dukje se vendi është i vetmi në rajon që nuk ka ende këtë status dhe ka përmbushur reformat e nevojshme, duke u harmonizuar me politikat evropiane dhe duke treguar rezultate në demokraci dhe ekonomi. Zulfaj po merr pjesë në Takimin Joformal të Ministrave për Çështje Evropiane në Nikosia, ku pritet të diskutohet edhe çështja e Kosovës. Ai shpreh shpresën se tashmë ka ardhur koha që Kosova të hapë një kapitull të ri në rrugën drejt integrimit evropian.