Admirali amerikan George M. Wikoff, komandanti i Komandës së Forcave të Përbashkëta Aleate të NATO-s, ka zhvilluar një vizitë në Mitrovicë ku është takuar me Kryetarin e komunës, Faton Peci. Gjatë takimit, ata diskutuan për gjendjen e sigurisë në rajon dhe për çështjet socio-ekonomike që lidhen me integrimin e komuniteteve. Peci falënderoi NATO-n dhe Shtetet e Bashkuara për mbështetjen e tyre që nga viti 1999 dhe theksoi rëndësinë e projekteve zhvillimore që kontribuojnë në ekonomi dhe paqe. Të dy palët u zotuan për bashkëpunim të vazhdueshëm dhe për përmirësimin e stabilitetit në vend dhe rajon.