Marta Kos, komisionerja e Bashkimit Evropian për zgjerim, mbërrin sot në Prishtinë për një vizitë dyditore, tri javë para zgjedhjeve të reja në Kosovë më 7 qershor. Ajo ka planifikuar takime me përfaqësuesit në detyrë të institucioneve, përfshirë ushtruesen e detyrës së presidentes Albulena Haxhiu dhe kryeministrin në detyrë Albin Kurti, me të cilin do të ketë edhe një konferencë për media. Vizita e saj është e para që prej marrjes së detyrës në vitin 2024 dhe vjen pas një anulimi të mëparshëm për shkak të zhvillimeve politike në mars. Komisionerja Kos ka theksuar rëndësinë e integrimit të Ballkanit Perëndimor në BE për stabilitetin dhe sigurinë evropiane, duke paralajmëruar rreziqet nga forcat destabilizuese të jashtme.