Komisioni për Buxhet dhe Financa nuk miratoi amendamentin e deputetes Ariana Musliu-Shoshi për një buxhet shtesë për Radio Televizionin e Kosovës, me 4 vota për, 5 kundër dhe 2 abstenime. Amendamenti ishte kërkesë e RTK-së dhe u prezantua nga nënkryetari i Komisionit, Fitim Gashi, por disa anëtarë nuk e mbështetën, duke përfshirë Emilja Rexhepin që abstenuan për shkak të mungesës së kohës për shqyrtim. U.d. drejtori i RTK-së, Hysen Hundozi, bëri të ditur se projeksioni buxhetor për vitin 2026 ishte dorëzuar brenda afatit ligjor në tetor të vitit të kaluar dhe ridërguar në legjislaturën e re, duke kërkuar financim prej rreth 23 milionë euro, që përbën 0.7% të buxhetit të Kosovës. Ai theksoi se burimi kryesor i të hyrave të RTK-së është buxheti i Kosovës, sipas Ligjit për RTK-në, dhe kërkesa për financim është në përputhje me këtë ligj.