Kryetari i Aleancës, Ardian Gjini, në tubimin përmbyllës të fushatës elektorale, theksoi se tri pikat kryesore të partisë së tij – siguria, energjia dhe zhvillimi – janë rrugë e ndërtuar nga Ramush Haradinaj dhe nuk do të ndryshohen asnjëherë. Ai nënvizoi se këto vlera nuk janë të reja, por janë ndërtuar me vite dhe për vite, duke i quajtur si kompasin e tyre të palëkundur. Gjini theksoi se Aleanca nuk ka asnjë arsye për të ndryshuar këtë udhërrëfim, pasi sipas tij, vetëm ata kanë pasur të drejtë në këtë rrugë. Ai përfundoi me një mesazh optimist për Kosovën, duke thënë se e ka të pastër të ardhmen përpara.