Komuna e Gjilanit ka mbajtur mbledhjen e parë të bordit të drejtorëve, ku janë emëruar disa drejtorë të rinj për sektorë të ndryshëm të administratës komunale. Kryetari Alban Hyseni prezantoi përbërjen e re të kabinetit qeverisës, duke përfshirë drejtorët për Shërbime Publike, Bujqësi, Urbanizëm, Shëndetësi, Kulturë, Mbrojtje, Kadastër, Financa, Zhvillim Ekonomik, Inspeksion dhe Administratë. Ai theksoi se kjo përbërje do të punojë me përkushtim dhe transparencë gjatë katër viteve të ardhshme. Në ditët në vijim pritet të emërohen edhe drejtori/esha e Arsimit dhe zyrtarë të tjerë të rëndësishëm në komunë.