Kryetari i Komunës së Istogut, Ilir Ferati, dhe koordinatori nacional i Preda Plusë Kosovë, Petrit Bllaca, kanë nënshkruar një memorandum bashkëpunimi për zbatimin e një projekti që synon fuqizimin e personave me aftësi të kufizuara dhe organizatave që i përfaqësojnë ata. Projekti financohet nga Ministria Federale Gjermane për Bashkëpunim Ekonomik dhe Zhvillim dhe Komuna e Istogut, ndërsa zbatohet nga organizata Preda Plusë Kosovë. Qëllimi kryesor i këtij bashkëpunimi është krijimi i mundësive më të mëdha për përfshirje, përfaqësim dhe mbështetje të personave me aftësi të kufizuara në jetën shoqërore dhe institucionale në Istog. Ky hap përfaqëson një përpjekje të rëndësishme për të avancuar të drejtat dhe integrimin e komunitetit të personave me aftësi të kufizuara në nivel lokal.