Komuna e Mitrovicës së Jugut, përmes Drejtorisë së Shëndetësisë, ka njoftuar hapjen e aplikimeve për subvencione në mbulimin e shpenzimeve shëndetësore, me një fond prej 70 mijë eurosh. Aplikimet do të fillojnë më 7 prill 2026 dhe do të zgjasin deri më 6 maj 2026, duke përfshirë kategori të ndryshme përfituesish si rastet e rënda, fëmijët me probleme shëndetësore, personat me sëmundje kronike dhe ata në kushte të vështira ekonomike. Përparësi do t’u jepet rasteve të sapo diagnostikuara me sëmundje malinje, trajtimeve me kosto të lartë, familjeve në gjendje të rënduar ekonomike dhe pacientëve që trajtohen në institucione private për shkak të mungesës së shërbimeve publike. Aplikuesit duhet të dorëzojnë dokumentacion të plotë, përfshirë kërkesën zyrtare, dëshmi mjekësore, prova financiare dhe dokumente identifikimi, ndërsa kërkesat e paplota do të refuzohen.