Komuna e Prishtinës ka nisur një thirrje për operatorët e parkingjeve private që veprojnë në territorin e kryeqytetit, duke i ftuar ata të aplikojnë për pajisje me leje. Procesi i aplikimit është i organizuar online dhe afati për dorëzimin e kërkesave është deri më 31 gusht 2026. Komuna ka bërë të ditur se aplikimet që do të mbërrijnë pas këtij afati nuk do të merren parasysh. Kjo nismë synon rregullimin dhe legalizimin e veprimtarisë së parkingjeve private në Prishtinë, duke krijuar një sistem më transparent dhe të kontrolluar.