Komuna e Prishtinës ka organizuar një program të pasur aktivitetesh përkujtimore në nder të 28-vjetorit të Epopesë së Ushtrisë Çlirimtare të Kosovës. Aktivitetet fillojnë më 5 mars 2026 me një ligjëratë në Shkollën e Mesme “Xhevdet Doda”, ku do të flasin kryetari i Komunës Përparim Rama, udhëheqësi i Sektorit për Çështjet e Kategorive të Dala nga Lufta e UÇK-së, Sylë Vitia, dhe kryetari i OVL-së në Prishtinë, Fatmir Sopi. Pas ligjëratës, në Kuvendin Komunal të Prishtinës do të mbahet një seancë përkujtimore.