Asociacioni i Komunave të Kosovës (AKK) ka shprehur kundërshtimin e tij të fortë ndaj Projektligjit për Pronën Publike, i cili parashikon që komunat të mos jenë pronare të pronës komunale, por vetëm shfrytëzuese apo administruese. Në një mbledhje të Këshillit të Kryetarëve, kryetarët dhe përfaqësuesit e komunave kanë mbështetur unanimisht kërkesat për ruajtjen e pronësisë komunale dhe kundërshtimin e centralizimit, duke theksuar se kjo qasje cenon autonominë lokale dhe zhvillimin ekonomik të komunave.