Një raport i publikuar nga “Dylberizm” dhe “CEL Kosova” tregon se komuniteti LGBTIQ+ ka qenë në fund të prioriteteve të partive politike gjatë fushatës zgjedhore të vitit 2025 në Kosovë. Monitorimi i fushatave të shkurtit, dhjetorit dhe zgjedhjeve lokale të vitit 2025 nxjerr në pah se ky komunitet trajtohet kryesisht me konotacion negativ dhe nuk përfshihet në diskutime për mbrojtjen e të drejtave të tyre. Në zgjedhjet e shkurtit, një parti politike e quajtur “Koalicioni për familje” përdori retorikë homofobike dhe fjalor fyes për të sulmuar anëtarët e komunitetit LGBTIQ+. Raporti kërkon që nevojat dhe kërkesat e këtij komuniteti të bëhen prioritet për partitë politike dhe të rritet bashkëpunimi për përmirësimin e gjendjes së tyre.