Vendimi i fundit i Gjykatës Kushtetuese ka sqaruar mënyrën e zhvillimit të seancës konstituive të Kuvendit të Kosovës më 6 gusht, duke ngritur në nivel kushtetues edhe rendin e ditës. Paralelisht me seancën do të krijohet një komision për verifikimin e mandateve, i cili mund të sjellë sfida lidhur me statusin e kryeministrit dhe ministrave në detyrë. Sipas hulumtuesit Eugen Cakolli, situata aktuale është e ngjashme me atë të shkurtit 2025, ku kryeministri dhe ministrat në detyrë janë certifikuar njëkohësisht si deputetë. Ai thekson se këta zyrtarë nuk mund të ushtrojnë dy mandate njëkohësisht dhe duhet të japin dorëheqje formale nga pozitat ekzekutive para se të marrin mandatin e deputetit.