Zëvendëskryeministri i Parë dhe Ministri i Punëve të Jashtme dhe Diasporës, Glauk Konjufca, zhvilloi një bisedë telefonike me homologun e tij nga Emiratet e Bashkuara Arabe, Sheikh Abdullah Bin Zayed Al Nahyan, ku diskutuan zhvillimet e fundit në Lindjen e Mesme. Gjatë bisedës, Kosova dënoi fuqishëm sulmet e Iranit ndaj shteteve partnere në rajon, përfshirë Emiratet, duke theksuar se këto sulme cenojnë sigurinë dhe stabilitetin rajonal. Konjufca shprehu solidaritetin e plotë të Kosovës me Emiratet dhe vlerësoi mbështetjen e vazhdueshme që ky shtet i ka dhënë Kosovës në procesin e shtetndërtimit dhe zhvillimit. Ai gjithashtu falënderoi homologun për urimet me rastin e marrjes së detyrës dhe pranoi ftesën për një vizitë zyrtare, duke shprehur gatishmërinë për thellimin e marrëdhënieve ndërmjet dy vendeve.