Zëvendëskryeministri i parë dhe ministri i Punëve të Jashtme dhe Diasporës në detyrë, Glauk Konjufca, ka pritur ambasadorin e Mbretërisë së Suedisë në Kosovë, Jonas Westerlund, në një takim lamtumirës. Gjatë këtij takimi, Konjufca e falënderoi ambasadorin për angazhimin dhe kontributin e tij gjatë mandatit, duke theksuar rolin e tij në avancimin e marrëdhënieve ndërmjet dy vendeve. Ai vlerësoi mbështetjen e vazhdueshme të Suedisë për Kosovën dhe bashkëpunimin në fusha kyçe për zhvillimin e vendit, si dhe nënvizoi rëndësinë e vazhdimit të partneritetit, veçanërisht në kuadër të perspektivës evropiane dhe zgjerimit të bashkëpunimit ekonomik. Në përfundim, Konjufca i uroi ambasadorit suksese në angazhimet e ardhshme dhe shprehu mirënjohjen për bashkëpunimin e mirë gjatë mandatit të tij në Kosovë.