Glauk Konjufca, numri dy i Lëvizjes Vetëvendosje, ka sqaruar në “Debat Plus” në Dukagjin se termi “frizerkë”, i përdorur gjatë një tubimi në Ferizaj, nuk ishte drejtuar aspak ndaj ish-presidentes Vjosa Osmani. Ai theksoi se nuk njeh personin që e përdori këtë fjalë dhe se ky i fundit tentoi t’i japë një kuptim tjetër, duke e përdorur në mënyrë denigruese. Konjufca u shpreh se nuk ka asnjë qëllim përqeshjeje ndaj profesionit të frizeres, të cilin e konsideron fisnik dhe të rëndësishëm për shumë gra dhe vajza që mbajnë familjet e tyre me këtë punë. Ai gjithashtu kritikoi ata që përdorin këtë profesion në mënyrë pezhorative, duke e vlerësuar si një nga profesionet duale që po shtohen në shoqëri.