Ministri i Shëndetësisë së Kosovës, Arben Vitia, ka njoftuar se brenda dy javëve të ardhshme do të hapet konkursi për punësimin e mjekëve të specializuar, me prioritet anesteziologët. Mjekët që kanë përfunduar specializimet janë aktualisht në proces të licencimit, i cili është kusht i domosdoshëm për punësimin në sistemin publik shëndetësor. Procedurat po zhvillohen me prioritet për specialitetet më deficitare, duke u fokusuar veçanërisht në anesteziologji për të adresuar nevojat urgjente të institucioneve shëndetësore. Ministri theksoi se licencimi po përfundohet me seriozitet dhe shpejtësi, duke synuar që konkursi të nisë brenda 10 ditëve deri në dy javëve të ardhshme.