Më shumë se një javë pas debatit për paralen e pestë me mësim në gjuhën shqipe në shkollën fillore Petar Zdravkovski Penko, zv.ministri i Arsimit, Driton Sulejmani, ka sqaruar se nuk do të ketë më shumë se katër paralele në shqip këtë vit, duke mbrojtur vendimin e komunës së Butelit. Ai thekson se në këtë shkollë do të pranohen vetëm nxënësit nga Komuna e Çairit që kanë motër ose vëlla të regjistruar aty, duke e konsideruar këtë si një zgjidhje praktike, edhe pse pa precedent në botë.