Në Pikën e Kalimit Kufitar Hani i Elezit, zyrtarët doganorë po kryejnë kontrolle të vazhdueshme 24 orë në ditë, me qëllim mbrojtjen e kufirit dhe zbatimin rigoroz të legjislacionit doganor. Kontrolli përfshin verifikimin e automjeteve, udhëtarëve dhe mallrave, me fokus të veçantë në parandalimin e kontrabandës dhe zbulimin e mallrave të ndaluara apo të rrezikshme për qytetarët. Në mënyrë të detajuar kontrollohen edhe autobusët dhe kamionët, duke verifikuar dokumentacionin dhe përputhshmërinë e mallrave me deklarimet doganore. Përmes këtyre masave dhe bashkëpunimit institucional, Dogana e Kosovës synon të sigurojë një proces të rregullt dhe të ligjshëm të qarkullimit të personave dhe mallrave, duke mbrojtur qytetarët dhe interesat kombëtare.