Bekë Berisha nga Aleanca për Ardhmërinë e Kosovës ka reaguar ashpër ndaj deklaratës së kryeministrit në detyrë, Albin Kurti, për krijimin e një xhandarmërie në vend. Ai e ka cilësuar këtë iniciativë si një tentativë për kontroll politik dhe ka paralajmëruar se kjo nuk duhet të ndodhë, duke theksuar se shteti duhet të ndërtohet mbi institucione profesionale dhe jo struktura që krijojnë frikë dhe ndasi. Berisha ka akuzuar Kurtin për tendencë autokratike dhe për përdorimin e një njësi para-ushtarake si mjet për të ruajtur pushtetin. Ai ka theksuar se Kosova nuk ka nevojë për eksperimente të tilla dhe se vendi duhet të përqendrohet në forcimin e stabilitetit politik dhe ekonomik.