Parlamenti Evropian ka shprehur shqetësim të thellë për nivelin e korrupsionit në Kosovë, duke e cilësuar atë si një problem sistemik që dëmton funksionimin e institucioneve publike dhe besimin e qytetarëve. Në raportin e miratuar më 17 qershor, eurodeputetët theksuan regresin e Kosovës në Indeksin e Përceptimit të Korrupsionit për vitin 2025, ku vendi renditet i 76-ti nga 182, duke rënë tre vende krahasuar me vitin e kaluar. Parlamentarët kërkuan miratimin urgjent të një strategjie kombëtare kundër korrupsionit për periudhën 2025-2028, përforcimin e kapaciteteve të organeve kundër korrupsionit dhe zbatimin më efektiv të mekanizmave ligjorë. Ata gjithashtu vunë në dukje mungesën e progresit të dukshëm në luftën kundër korrupsionit dhe kërkuan përmirësim të cilësisë së hetimeve në rastet e korrupsionit të nivelit të lartë.