Komandanti i Forcës së Sigurisë së Kosovës, gjenerallejtënant Bashkim Jashari, priti në një vizitë zyrtare Agjutantin e Përgjithshëm të Gardës Kombëtare të Ajovës, gjeneralmajor Stephen Osborn, duke theksuar marrëdhëniet e shkëlqyera ndërmjet dy institucioneve. Gjatë takimit u diskutua thellimi i bashkëpunimit dypalësh, me fokus në planifikimin dhe realizimin e aktiviteteve të përbashkëta, trajnimeve dhe shkëmbimit të përvojave profesionale. Gjenerallejtënant Jashari shprehu mirënjohjen për mbështetjen e vazhdueshme të Gardës Kombëtare të Ajovës në zhvillimin dhe avancimin e kapaciteteve të FSK-së. Në përmbyllje, të dy palët riafirmuan përkushtimin për forcimin dhe zgjerimin e bashkëpunimit në fusha me interes të përbashkët, në funksion të rritjes së kapaciteteve dhe përmbushjes së misionit të Forcës së Sigurisë së Kosovës.