Republika e Kosovës dhe Republika e Austrisë kanë nënshkruar një marrëveshje dypalëshe që u mundëson anëtarëve të familjeve të personelit diplomatik dhe konsullor të punojnë gjatë periudhës së shërbimit në shtetin pritës. Kjo marrëveshje synon të lehtësojë integrimin dhe angazhimin profesional të familjarëve të diplomatëve, duke krijuar kushte më të favorshme për ta në të dy vendet. Pas ceremonisë së nënshkrimit, zëvendësministri Kreshnik Ahmeti dhe Sekretari i Përgjithshëm i Ministrisë së Jashtme të Austrisë diskutuan për avancimin e marrëdhënieve dypalëshe dhe bashkëpunimin në fushat institucionale dhe ekonomike. Marrëveshja konsiderohet një hap të rëndësishëm në forcimin e bashkëpunimit ndërmjet Kosovës dhe Austrisë dhe mbështetjen e familjeve të personelit diplomatik.