Kosova ka pranuar zyrtarisht Planin e Punës mbi Punësimin dhe Politikat Sociale në kuadër të Procesit të Berlinit, gjatë një takimi të rëndësishëm në Berlin me vendet e Ballkanit Perëndimor dhe partnerët evropianë. Ministri për Punë, Familje dhe Vlerat e Luftës Çlirimtare, Andin Hoti, e ka cilësuar këtë hap si një moment vendimtar për integrimin evropian dhe përforcimin e politikave sociale dhe të punësimit në Kosovë. Dokumenti iu dorëzua Kosovës nga Ministrja Federale për Punë dhe Çështje Sociale e Gjermanisë, Bärbel Bas, në një konferencë ku morën pjesë edhe shtetet e tjera të rajonit. Ky pranimi shënon një impuls të ri dhe të pakthyeshëm në rrugën drejt standardeve evropiane dhe bashkëpunimit rajonal në fushën e punësimit dhe politikave sociale.