Zëvendësministri Kreshnik Ahmeti zhvilloi një vizitë zyrtare në Shtetin e Iowa-s, ku u takua me udhëheqës të institucioneve shtetërore dhe përfaqësues të pushtetit lokal për të thelluar partneritetin ndërmjet Kosovës dhe Iowa-s. Në takimin me Presidenten e Senatit, Amy Sinclair, u rikonfirmua bashkëpunimi i gjatë dhe i qëndrueshëm, duke u fokusuar në sigurinë, ekonominë, arsimin dhe teknologjinë informative. Ahmeti diskutoi gjithashtu me zëvendëssekretaren e Shtetit të Iowa-s, Christy Johnson, për avancimin e bashkëpunimit institucional dhe shkëmbimin e përvojave në administratën publike dhe sektorin e energjisë. Në nivel lokal, u vlerësua binjakëzimi i nëntë komunave kosovare me komuna të Iowa-s, duke shprehur gatishmërinë për projekte të përbashkëta dhe shkëmbime profesionale, ndërsa roli i diasporës shqiptare në Iowa u theksua si urë lidhëse për forcimin e marrëdhënieve mes dy vendeve.