Zëvendëskryeministri dhe ministri i Punëve të Jashtme dhe Diasporës së Kosovës, Glauk Konjufca, zhvilloi një takim me ambasadorin e Malit të Zi në Kosovë, Bernard Çobaj. Gjatë takimit, ambasadori Çobaj i përcolli urimet për marrjen e detyrës së re dhe theksoi mbështetjen e Malit të Zi për Republikën e Kosovës. Diskutimet u përqendruan në rëndësinë e forcimit të partneritetit ndërmjet dy vendeve, sidomos në kontekstin e zhvillimeve të fundit gjeopolitike dhe çështjeve rajonale. Republika e Kosovës shprehu përkushtimin e saj për thellimin e mëtejshëm të marrëdhënieve dhe avancimin e bashkëpunimit dypalësh me Malin e Zi.