Në Ditën e Evropës, ushtruesja e detyrës së Presidentes së Kosovës, Albulena Haxhiu, ka rikujtuar orientimin e vendit drejt Bashkimit Evropian, duke theksuar se Kosova është evropiane në histori, kulturë dhe politikë. Ajo ka vlerësuar përparimet në forcimin e institucioneve, rritjen e mirëqenies sociale dhe shtrirjen e rendit dhe sovranitetit në të gjithë territorin. Haxhiu ka theksuar se Kosova ka përmbushur kriteret për anëtarësim në Këshillin e Evropës dhe mbetet e vendosur në rrugën euroatlantike. Gjithashtu, ajo paralajmëroi se çdo vonesë në proceset integruese dëmton qytetarët dhe cenon besueshmërinë e vizionit evropian në Ballkanin Perëndimor.