Autoritetet e ushqimit të Kosovës dhe Shqipërisë kanë arritur një marrëveshje për të lehtësuar tregtinë e produkteve ushqimore duke ndjekur praktikat dhe standardet e Bashkimit Evropian. Në një takim mes drejtorit ekzekutiv të Agjencisë së Ushqimit dhe Veterinarisë së Kosovës, Bekim Hoxha, dhe drejtoreshës së Autoritetit Kombëtar të Ushqimit të Shqipërisë, Blerina Gjylameti, u diskutua për reduktimin e barrierave administrative dhe harmonizimin e certifikatave sipas modeleve më të fundit të BE-së. Palët ranë dakord për koordinim në trajtimin e njoftimeve të sigurisë ushqimore, bashkëpunim në ngritjen e kapaciteteve laboratorike dhe digjitalizimin e shërbimeve, ku Kosova ka arritur rreth 90% të procesit. Shqipëria do të shërbejë si vend referencë për Kosovën në fazat e mëvonshme të anëtarësimit në BE, ndërsa Kosova do të ndihmojë Shqipërinë në përmbushjen e kritereve evropiane në fushën e sigurisë ushqimore.