Pas dështimit të Kuvendit të Kosovës për të zgjedhur presidentin brenda afatit kushtetues, vendi do të shkojë në zgjedhje të reja parlamentare. Sipas vendimit të Gjykatës Kushtetuese, nëse presidenti nuk zgjidhet brenda periudhës së përcaktuar, Kuvendi shpërndahet automatikisht dhe zgjedhjet duhet të mbahen brenda 45 ditësh. Duke marrë si pikënisje datën 29 prill, zgjedhjet e reja duhet të zhvillohen më së largu deri më 7 qershor. Ushtruesja e detyrës së presidentes, Albulena Haxhiu, pritet të shpallë së shpejti datën e zgjedhjeve, ndërsa kjo do të jetë hera e tretë brenda një viti e katër muajsh që Kosova shkon në zgjedhje parlamentare për shkak të krizës politike.