Agjencia e Kosovës për Akreditim (AKA) është pranuar si autoritet i njohur nga Këshilli për Akreditimin e Arsimit të Lartë në Shtetet e Bashkuara të Amerikës (CHEA) për një periudhë shtatëvjeçare, deri në fund të vitit 2033. Ky hap përfaqëson një moment të rëndësishëm që konfirmon cilësinë institucionale, reformat dhe besimin ndërkombëtar në rritje ndaj sistemit të arsimit të lartë në Kosovë. Ambasada e SHBA-së në Kosovë ka uruar këtë sukses, duke theksuar rëndësinë e njohjes dhe ndikimin pozitiv që ajo do të ketë në zhvillimin e arsimit të lartë në vend. Vendimi u bë i ditur zyrtarisht përmes një komunikate nga CHEA dhe u përshëndet nga drejtuesit e AKA-së dhe përfaqësuesit amerikanë.