Ministrja e Mjedisit dhe Planifikimit Hapësinor në detyrë, Fitore Pacolli, po përfaqëson Kosovën në Forumin Ndërkombëtar të Ujit në Stamboll, ku po bashkëbisedon me liderë dhe vendimmarrës nga e gjithë bota për çështjet e mjedisit dhe menaxhimin e burimeve ujore. Ajo ka theksuar rëndësinë e burimeve ujore jo vetëm si pasuri natyrore, por edhe si element kyç për sigurinë kombëtare dhe zhvillimin e qëndrueshëm të vendit. Forumi shërben si një platformë për shkëmbimin e përvojave dhe integrimin e ekspertizës ndërkombëtare në politikat për mbrojtjen e lumenjve dhe ekosistemeve. Pacolli gjithashtu ka falënderuar Ministrin e Turqisë, İbrahim Yumaklı, për mikpritjen dhe ftesën ndaj delegacionit të Kosovës, duke treguar kështu rritjen e peshës diplomatike të vendit në diskutimet globale për mjedisin.