Republika e Kosovës ka hapur zyrtarisht shtëpinë e përhershme të Ambasadës së saj në Londër, duke shënuar një hap të rëndësishëm në marrëdhëniet diplomatike me Mbretërinë e Bashkuar. Selia e re, e vendosur në adresën “9 Orme Court, London W2 4LR”, do të shërbejë si një qendër kyçe për avancimin e bashkëpunimit dypalësh dhe përfaqësimin dinjitoz të Kosovës. Ambasada e konsideron këtë hap si një urë më të fortë bashkëpunimi, miqësie dhe partneriteti ndërmjet dy vendeve. Ky moment është përshëndetur me optimizëm dhe shpresë për suksese të mëtejshme në diplomacinë kosovare.