Ministri i Mbrojtjes së Kosovës, Ejup Maqedonci, ka rrëfyer për Bloomberg procesin e ndërtimit të ushtrisë së Kosovës, duke theksuar investimet e mëdha prej rreth 1 miliard dollarësh dhe avancimin e kapaciteteve ushtarake, përfshirë dronë, sisteme anti-tank dhe planifikimin e mbrojtjes ajrore dhe helikopterëve ushtarakë. Ai ka theksuar se ushtria e Kosovës po ndërtohet si një forcë moderne, e gatshme për mbrojtjen e vendit dhe bashkëpunimin me aleatët ndërkombëtarë, ndërsa Forca e Sigurisë së Kosovës ka tashmë më shumë armë sesa personel, duke krijuar një rezervë të fuqishme.