Ushtruesja e detyrës së presidentes së Kosovës, Albulena Haxhiu, së bashku me presidentin e Komitetit Olimpik të Kosovës, Ismet Krasniqi, vizituan sportistët kosovarë në Fshatin Mesdhetar në Taranto, ku po zhvillohen Lojërat Mesdhetare “Taranto 2026”. Kosova po merr pjesë me një delegacion rekord prej 63 sportistësh në 21 sporte, duke shënuar pjesëmarrjen më të madhe në historinë e saj në këtë ngjarje. Haxhiu dhe Krasniqi shprehën mbështetjen e plotë dhe besimin se sportistët do të kthehen me medalje, duke theksuar rëndësinë e sportit në ngritjen e imazhit dhe krenarisë së vendit. Gjatë vizitës, Haxhiu u njoh edhe me ambientet luksoze të anijes ku janë akomoduar sportistët, duke u angazhuar që Kosova të jetë pranë tyre gjatë gjithë garave dhe t’i mbështesë në çdo hap.