Jiri Plecity, udhëheqësi i Njësisë së Komisionit Evropian për Zgjerim dhe Fqinjësi Lindore, ka vlerësuar se Kosova ka qenë ndër vendet e para në Ballkanin Perëndimor që ka përgatitur një agjendë reformuese të mirëpritur nga Brukseli. Megjithatë, ai theksoi nevojën urgjente për të dyfishuar përpjekjet në zbatimin e këtyre reformave, duke veçuar reformën në drejtësi, forcimin e të drejtave themelore dhe luftën kundër korrupsionit dhe krimit të organizuar si prioritete kryesore.