Federata e Golfit e Kosovës ka vendosur të mos marrë pjesë në Kampionatin Evropian të Seniorëve 2026 në Qipro, pasi autoritetet e këtij vendi nuk lejuan shfaqjen e flamurit të Kosovës në mënyrë të barabartë me shtetet e tjera pjesëmarrëse. Lojtari Azer Bislimaj, i kualifikuar për herë të dytë në këtë garë prestigjioze, kishte përgatitur intensivisht për këtë event, duke zhvilluar stërvitje në Spanjë dhe Gjermani. Pavarësisht përpjekjeve të Shoqatës Evropiane të Golfit për të gjetur një zgjidhje, kufizimi i vendosur nga Qipro u bë i ditur vetëm pasi ishin përfunduar të gjitha përgatitjet dhe pagesat. Federata e Golfit e Kosovës thekson se sporti duhet të jetë një platformë e barazisë dhe respektit, dhe nuk pranon të marrë pjesë në kushte të pabarabarta, duke riafirmuar angazhimin për zhvillimin e këtij sporti në vend.