Komisioni Qendror i Zgjedhjeve (KQZ) i Kosovës zhvillon sot një mbledhje ku kryesore në rendin e ditës është shqyrtimi dhe miratimi i rekomandimit për ndarjen e mjeteve financiare nga Fondi për Mbështetjen e Subjekteve Politike të përfaqësuara në Kuvend për vitin 2026. Ndarja e këtyre fondeve ka qenë temë diskutimi edhe në mbledhjet e kaluara, veçanërisht gjatë fushatës zgjedhore, ku është përfshirë edhe Lista Serbe si përfitues i mjeteve. Përveç ndarjes së fondeve, në mbledhje do të shqyrtohen edhe rekomandimet e nxjerra nga mësimet e zgjedhjeve lokale dhe parlamentare të vitit 2025. Kjo mbledhje pritet të vendosë për shpërndarjen e mjeteve financiare që do të ndikojnë në funksionimin e subjekteve politike në Kuvendin e Kosovës gjatë vitit 2026.