Komisioni Qendror i Zgjedhjeve (KQZ) ka miratuar raportin vjetor për vitin 2025, i cili përfshin periudhën nga gushti 2024 deri në shkurt 2026, duke dhënë një pasqyrë të plotë të proceseve zgjedhore dhe aktiviteteve të institucionit. Raporti përmban analizën e sfidave të hasura gjatë zgjedhjeve të vitit 2025 dhe përfshin rekomandime për ndryshime ligjore në Ligjin për Zgjedhjet e Përgjithshme dhe Ligjin për Financimin e Subjekteve Politike, me qëllim forcimin e integritetit dhe transparencës së proceseve zgjedhore. Ndër rekomandimet kryesore janë rishikimi i sistemit zgjedhor, harmonizimi i votave preferenciale, ndryshimi i afateve për ankesat dhe zgjedhjet e parakohshme, si dhe qartësimi i dispozitave për votimin me asistencë dhe votimin me postë jashtë vendit. Raporti përmban gjithashtu pjesën e sfidave, bashkëpunimin ndërkombëtar dhe vëzhgimin e zgjedhjeve në vende të ndryshme, duke synuar përmirësimin e procesit zgjedhor në Kosovë dhe është dorëzuar në Kuvendin e Kosovës për shqyrtim dhe vendimmarrje.