Komisioni Qendror i Zgjedhjeve ka hapur një tender për shërbime të transportit ajror me vlerë prej 60 mijë eurosh, vetëm pak ditë para zgjedhjeve të parakohshme. Kontrata kornizë do të zgjasë 36 muaj dhe kërkon nga operatorët ekonomikë të paraqesin dokumentacion të plotë, përfshirë deklarata nën betim dhe vërtetime nga Administrata Tatimore dhe Gjykata kompetente. Në rast të mungesës së dokumenteve të kërkuara, tenderi i operatorit do të refuzohet dhe KQZ do të vazhdojë me operatorin tjetër në listë. Afati i fundit për dorëzimin e aplikacioneve është 20 maji 2026, ndërsa kjo kontratë është e nevojshme për të mbuluar mungesën e shërbimeve të transportit ajror gjatë procesit zgjedhor.