Albert Krasniqi nga Demokracia Plus ka kritikuar ashpër opozitën për qasjen e saj ndaj zhvillimeve politike dhe diskutimeve për zgjedhje të reja. Ai thekson se opozita po investon kohë për të dëshmuar se kush është fajtor për shkaktimin e zgjedhjeve, duke u treguar gabimisht “konstruktive”, një qasje që sipas tij nuk përkthehet në mbështetje elektorale. Krasniqi nënvizon se nëse Lëvizja Vetëvendosje konsiderohet parti me prirje autoritare, atëherë zgjedhjet janë mekanizmi demokratik që e frenon dhe e sfidon atë, duke theksuar se nuk mund të thuash se kërcënon demokracinë dhe njëkohësisht të përpiqesh të shmangësh zgjedhjet më shumë se vetë VV-ja.