Në 27-vjetorin e betejës së Koshares, vendit ku u zhvillua beteja më e përgjakshme dhe heroike e luftës së UÇK-së, u organizuan homazhe të përbashkëta nga krerët më të lartë shtetërorë dhe politikë. Ushtruesja e detyrës së presidentes, Albulena Haxhiu, së bashku me ministra të kabinetit qeveritar, morën pjesë në këtë ceremoni nderimi. Në Koshare ishin gjithashtu ish-presidentja Vjosa Osmani, kryetari i LDK-së Lumir Abdixhiku, deputeti i AAK-së Ramush Haradinaj dhe kryetari i BDI-së Ali Ahmeti. Në homazhe morën pjesë edhe përfaqësues të OVL-UÇK-së, duke theksuar unitetin dhe respektin për dëshmorët dhe bashkëluftëtarët e kësaj beteje historike.