Analisti politik Visar Ymeri ka kritikuar qasjen e kryeministrit Albin Kurti, duke thënë se ai nuk është i interesuar të qeverisë në kuptimin tradicional, por synon të mbajë pushtetin pa kontroll institucional. Sipas Ymerit, Kurti dëshiron sundimin politik dhe për këtë i nevojiten institucione të dobëta që nuk e monitorojnë qeverinë si Kuvendi dhe Presidenca. Ai thekson se Kurti synon të qëndrojë sa më gjatë në detyrë si kryeministër në detyrë, duke përdorur Gjykatën Kushtetuese për të zgjatur këtë periudhë. Kjo situatë krijon një qeverisje pa pengesa dhe me mungesë llogaridhënie, ku buxheti shpërndahet sipas dëshirës së kryeministrit.