Deputetja e PDK-së, Ariana Musliu-Shoshi, ka kritikuar ashpër kryeministrin e Kosovës, Albin Kurti, lidhur me dialogun me Serbinë. Ajo tha se Kurti ka filluar hapat e parë drejt zbatimit të “Zajednicës” përmes Ligjit për të Huajt, duke shprehur shqetësim për mungesën e transparencës. Musliu-Shoshi theksoi se deputetët e Kuvendit të Kosovës nuk kanë marrë informacione për ecurinë e dialogut prej kohësh dhe se as kryeministri, as ministrat nuk kanë raportuar në Komisione Parlamentare apo në Kuvend për më shumë se tri vite. Ajo akuzoi udhëheqjen për shmangie të llogaridhënies ndaj institucioneve të Kosovës.