Deputetja e PDK-së, Sala Jashari, nga foltorja e Kuvendit dhe në Ditën Ndërkombëtare të Rinisë, kritikoi ashpër Lëvizjen Vetëvendosje për moskonstituimin e institucioneve të Kosovës dhe mungesën e përgjegjësisë pas fitores në zgjedhje. Ajo theksoi se, megjithëse LVV pretendon se "ka fuqinë", kjo fuqi duhet shoqëruar me punë dhe seriozitet për të përmirësuar gjendjen në vend. Jashari shprehu shqetësim për të ardhmen e të rinjve, duke pyetur se çfarë ka ndryshuar në jetën e tyre gjatë viteve të fundit dhe pse shumë prej tyre nuk gjejnë punë pas përfundimit të studimeve. Në fund, ajo bëri thirrje që të rinjtë të jenë të kujdesshëm ndaj propagandave në rrjetet sociale dhe të kërkojnë përgjegjësi reale nga udhëheqësit politikë.